موضوع: طبق فول بي الفحم الخميس مارس 17, 2011 10:29 am
فول بالفحم زى الكباب بالضبط بصو يا جماعة هقولكم على طريقة الفول بالفحم اى حد بيجربها بيقولى انا حاسس انى باكل كباب بس مش لاقيه المقادير: فول بصل زيت وفحم الطريقة:قبل اى حاجة نضع الفحم على النار حتة فحم صغيرة بعد كدة نضع الزيت على النار ونضع عليه بصل شرائح وانا عن نفسى بحب البصل فبحط بصل كتير ونسيبة على النار لحد لما البصل يدبل بعد كدة نضع الفول علية لحد لما يسخن ونظبط الملح والزيت بعد كدة نجيب غطاء مربى او أى غطاء عندك مش يتأثر بسخونة الفحم ويكون ناشف مش مبلول ونضعة فى وسط طبق الفول ونشيل الفحم بالمعلقة ونحطها فى الغطاء دة ونضع فوق الفحم نقطة زيت عشان يطلع دخان ونغطي طبق الفول علطول عشان يأخد طبق فول ريحة الفحم بعد ربع ساعة شيلو الغطاء وشيلو الفحم وكلو بالهنا والشفا انا بعملها علطول وهتعجبكم ان شاء الله وقولولى رايكم هستناكم
موضوع: طبق فول بي الفحم 
الخميس مارس 17, 2011 10:29 am
